30 мая 2021

Свята развітання з пачатковай школай стала традыцыйным у навучальнай установе.

Чатыры гады рука аб руку са сваімі аднакласнікамі і класным кіраўніком дзеці пераадольвалі першую ступень адукацыі. Першыя палачкі ў пропісях, першыя лічбы ў сшытку, першыя прачытаныя словы… І вось незаўважна прамчаліся 4 гады. І ўчарашнія першакласнікі стаяць ва ўрачыстым строі пасталелыя, адкрытыя, вясёлыя і трохі задумлівыя.

Ёсць у школьным жыцці асаблівыя святы, якія пакідаюць добрую памяць, колькі б гадоў ні было вучню. Гэта святы першага і  апошняга званка. І калі першы званок поўніцца радасцю сустрэчы, то ў апошнім адчуваюцца ноткі суму, у першую чаргу, для выпускнікоў. Для іх свята апошняга званка – заўсёды хвалюючы момант. Гэта свята  развітання з дзяцінствам, са слаўнай школьнай парой. Міжволі ў прысутных нагортваюцца слёзы, таму, што цяжка справіцца з пачуццямі ад прыгажосці, маладосці, шчасця выпускнікоў. І ад трывог за іх — юнакі і дзяўчаты ўступаюць у самастойнае жыццё.

29 мая 2021

Напрыканцы навучальнага года старэйшыя выхаванцы інтэгрыраванай групы развіталіся з дзіцячым садам. Адбылося яркае свята, дзе завадныя танцы выпускнікоў, іх душэўныя вершы і спевы, стварылі цудоўны настрой.  Выступленне дашкольнікаў дазволіла   ўспомніць іх першыя крокі ў дзіцячым садзе і пераканацца  ў тым, што яны  падрыхтаваныя да новага этапа - школьнага жыцця.

29 мая 2021

26 мая ў першакласнікаў нашага НПК быў незвычайны дзень. Яны перагарнулі апошнюю старонку Буквара. Умець чытаць – гэта вялікая справа. Маленькія першакласнікі паказалі немалы запас ведаў, якія атрымалі на працягу навучальнага года: выдатна справіліся з рознымі заданнямі, выразна дэкламавалі вершы, радасна спявалі песні, упэўнена адгадвалі загадкі. Радасць свята з першакласнікамі раздзялілі бацькі, вучні і настаўнікі.

Жадаем нашым першакласнікам моцнага здароўя, выдатнай вучобы, творчых поспехаў!

23 мая 2021

З мэтай фарміравання ў школьнікаў ясных уяўленняў пра неабходнасць весці ЗЛЖ у суботу 22 мая прайшло ток-шоу “Дзякуй зарадцы-здароўе ў парадку!”

21 мая 2021

19 мая — Дзень нараджэння Усесаюзнай піянерскай арганізацыі і Дзень піянерскай дружбы.  Гэты дзень піянеры нашай установы адукацыі адзначылі ўдзелам у гульні-вікрарыне «Пионер — это гордо!»

17 мая 2021

15 мая, у суботу, педагогі разам са школьнікамі пабывалі ў адным з самых старэйшых гарадоў нашай краіны — горадзе Віцебску.

16 мая 2021

У рамках праекта «#Мая_Зямля_Прыдняпроўе» з мэтай фарміравання ў маладога пакалення  патрыятызму, гатоўнасці да выканання грамадзянскага абавязку,  выхавання пачуцця гонару да малой радзімы, тых месцаў, дзе мы жывем, вучымся, расцем,  гонару за свой народ, за тых людзей, хто абараняў нашу Айчыну праходзіць дэкада адкрытых класных гадзін.